شیشوان
مامان جونم این یه شعر ترکی به افتخار شیشوان هستش امیدوارم وقتی بزرگ شدی و تونستی بخونی و درکش کنی تو هم مثل من به شیشوان سرزمین آبا و اجادی مادریت افتخار کنی
« اولی تانرنئن گؤزل آدیله یادینان»
~~~~~~~~~~~~~~~~~
« قوجا شیشوان»
گووَنیرَم سنون گوزل آدووا
وورغونام چوخداندیر شیرین دادووا
قوربانام اؤزووه ،هربیزادووا
تاریخین عومریندَن قوجا «شیشوان»
آی باشی داغلاردان اوجا «شیشوان»
زمانه بیلمَدی قدیر سانووی
شوشییَه توتارکن قرمز قانووی
غم کدَر چوریتدی گوزل جانووی
تاریخین عومریندن قوجا «شیشوان»
آی باشی داغلاردان اوجا «شیشوان»
قویمایق چوریتسین بوندان آرتغی
دولانسئن دؤرَوه اؤزگه سئرتغی
تَپْجَریک تازادان یاماخ یئرتغی
تاریخین عومریندن قوجا «شیشوان»
آی باشی داغلاردان اوجا «شیشوان»
اوغئللار بِئجَردیب ، قئزلار دوغمئسان
قودئرقئن غَنیمین بورنئن اوغمئسان
تولکیلَر ، چاققاللار ، قوتلار بوغمئسان
تاریخین عومریندن قوجا «شیشوان»
آی باشی داغلاردان اوجا «شیشوان»
وطنین اولئبسان اوزون دیلَکی
تنگه گئتیرمیسن چرخ فلکی
توپراقون بِئجَردیب حوری ملکی
تاریخین عومریندن قوجا «شیشوان»
آی باشی داغلاردان اوجا «شیشوان»
روحیمیز ، جانئمیز سننَن دیریدیر
آدووئن شوکتی داغدان ایریدیر
توپراقون بهشتین اوچ دَن بیریدیر
تاریخین عومریندن قوجا «شیشوان»
آی باشی داغلاردان اوجا «شیشوان»
توفانلار اَسیبلَر، سَن اَسمه َمیسَن
بیزسندَن کوسسَکده، سن کوسمه میسَن
آنا تک باخیشون هِئچ کَسمه
میسَن
تاریخین عومریندن قوجا «شیشوان»
آی باشی داغلاردان اوجا «شیشوان»
دونیا دوردی قیجا، جانون ساغ اولسون
توپراقون باشاباش بُستان باغ اولسون
بختووین دَریسی دولی یاغ اولسون
تاریخین عومریندن قوجا «شیشوان»
آی باشی داغلاردان اوجا «شیشوان»
کور اولسون خوش گونو گورمییَن گوزی
تَکجه من دِئمیرم هاممئنئن سوزی
هریاندان گوزلدیر، شاوانئن اؤزی
تاریخین عومریندن قوجا «شیشوان»
آی باشی داغلاردان اوجا «شیشوان»
بیزلَره نوش اولان یاغلی ایله یاوان
جیسمیده قوجالان ، عشقیده جاوان
یِئربیلیر، گوی بیلیر، «شاواندئر» «شاواندئر»
تاریخین عومریندن قوجا «شیشوان»
آی باشی داغلاردان اوجا «شیشوان»
«وحید فرجی شیشوان»
.
عجبشیرشاوان ماحالئنئن کیچیک یِئتیرمه سی
۹۷/۴/۱۹
🌹🌹🌹🌹🌹🌹🌹🌹🌹🌹